Kniha «Prypadobniŭšysia da nasaroha» biełaruskaha myślara, piśmieńnika, žurnalista Alesia Ancipienki adnaŭlaje seryju «Biblijateka «Biełaruski kalehijum», u 2012—2013 hadach u joj vyjšli 10 knih viadomych biełaruskich intelektuałaŭ. Na kraŭdfandynhavaj płatformie «Vulej» raspačaŭsia prajekt pa vydańni knihi.
Pra što kniha?
Heta sproba adkazać na niekatoryja važnyja pytańni: što jość myśleńniem i ci jość štości pa-za jaho miežami? što aznačaje «vieryć»? što takoje śmierć i čamu my jaje tak baimsia? Narešcie, što takoje suprematyzm i zahadkavyja kvadraty Maleviča?
Źmiest knihi składajuć taksama pierakłady klasyčnaha tvora Tao Te Činh vialikaha kitajskaha mistyka Łao Czy (VI st. da n. Ch.) i budysckaj Kchahavisana suty.
Teksty knihi abjadnoŭvaje ideja «schavanaha čałavieka», albo nie zaŭsiody vidavočnych struktur našaha isnavańnia, jakija, kab być ubačanymi, patrabujuć źmieny pazycyi ci ŭnutranaj samatransfarmacyi.
Kniha napisana jasnaj movaj. Aŭtar paźbiahaŭ ćmianych razvahaŭ i specyjalnaj terminalohii, praśviatlajučy pry hetym sutnaść niekatorych składanych filazofskich i relihijnych prablemaŭ.
