Jašče napačatku sakavika ŭ Maskvie na histaryčnym fakultecie Maskoŭskaha dziaržaŭnaha ŭniviersiteta imia Łamanosava adbyłasia navukovaja kanfierencyja «Asensavańnie alternatyŭnych kancepcyj rasijska-biełaruskaj historyi». Jaje arhanizataram vystupiŭ Fond raźvićcia instytutaŭ hramadzianskaj supolnaści «Narodnaja dypłamatyja». Ciapier ža ŭ rasijskaj presie źjaŭlajucca peŭnyja padrabiaznaści hetaj padziei.
Ivan Antanovič. Fota Kiryły Chilko.
Na kanfierencyi prysutničali takija prarasijskija dziejačy, jak Leŭ Kryštapovič ci Kirył Aviarjanaŭ-Minski. Udzielničaŭ u kanfierencyi i były ministr zamiežnych spravaŭ našaj krainy Ivan Antanovič, jaki stała žyvie ŭ Maskvie. Mienavita Antanovič dva hady (1997—1998) adkazvaŭ za mižnarodnuju palityku Biełarusi.
Jahonaja pazicyja palahaje ŭ tym, što Biełaruś znachodzicca na miažy razłomu ŭ słavianskim śviecie. «Biełaruskaja dziaržaŭnaść sfarmavałasia va ŭłońni ruskaj dziaržaŭnaj tradycyi, nacyjanalnaja relihija biełarusaŭ — pravasłaŭje, pryniataje ŭ časy Kijeŭskaj Rusi,«dziaržavy-pramaci», — skazaŭ Antanovič.
Jon aburaŭsia na tych historykaŭ, jakija sprabujuć uźvialičvać «litoŭska-polski» pieryjad u historyi našaj krainy i ačarniajuć «ruska-impierski».
Ź im sprabavaŭ spračacca dyrektar Instytuta historyi Akademii navuk Viačasłaŭ Daniłovič, jaki adznačaŭ, što biełaruskaja dziaržaŭnaść farmiravałasia i ŭ ramkach VKŁ, i Rečy Paspalitaj, i BNR, i BSSR, i šmat dzie jašče.
