Čatyrochrazovaja alimpijskaja čempijonka pa spartovaj himnastycy Volha Korbut raspaviała pra toje, što znajšła miedal Miunchiena-1972, zhubleny 46 hadoŭ tamu, u muziei sportu ŭ Maskvie, ale supracoŭniki muzieja admovilisia viarnuć joj ŭznaharodu.
«Viarnułasia dadomu z Maskvy, dzie było vielmi viesieła. Ja navat znajšła adzin załaty miedal Alimpijady-1972 u muziei sportu. Jon byŭ skradzieny ŭ mianie praź niekalki dzion paśla taho, jak ja jaho zavajavała. Ja šukała jaho na praciahu 46 hadoŭ.
Muziej admoviŭsia addavać jaho mnie, tam skazali, što heta ŭłasnaść Rasijskaj Fiederacyi. Jany paćvierdzili, što miedal moj, bo na adnym baku napisana majo imia. Kali-niebudź ja viarnu jaho, moj boj jašče nie skončany», — napisała Korbut.
Na Alimpijskich hulniach u Miunchienie Korbut zavajavała zołata ŭ volnych praktykavańniach, na biervianie i ŭ kamandzie, a taksama ŭziała srebra na brusach. Z 1992 hoda byłaja savieckaja himnastka žyvie ŭ ZŠA.
