Robaryba moža apuskacca na hłybiniu da 18 mietraŭ, ruchajučysia całkam naturalna i nie pałochajučy źmieščanych pablizu žyvioł. Pierasoŭvajecca jana z dapamohaj hidraŭličnaha chvasta, jaki zrobleny z dvuch kamier: pompa padaje vadu ŭ kožnuju z kamier pa čarzie, tak što ŭsia kanstrukcyja vyhinajecca i ruchajecca napierad.
Akramia chvasta ryba maje dva haryzantalnyja płaŭniki z kožnaha boku, a taksama moduli kantrolu płavučaści, tak što jana moža ruchacca ŭ lubym kirunku. Kiravańnie zasnavana na akustyčnych sihnałach, jakija pieradajucca dystancyjna z pulta kiravańnia i prymajucca praz hidrafon.
Pry testavańni ryba-robat ź lohkaściu padpłyvaje da karałavych ryfaŭ na mienš čym mietrovuju adlehłaść i zdymaje videa. Nasielniki marskich hłybiń nie źviartajuć na jaje ŭvahi i viaduć svajo zvyčajnaje žyćcio. Akvałanhistam, jakija zvyčajna robiać padobnuju pracu, davodzicca składaniej: ryby pałochajucca ich.
