Žychar Pružanskaha rajona razam sa śmiećciem spaliŭ ułasnuju chatu, paviedamlaje BiełTA.
Zdareńnie adbyłosia 23 sakavika a pieršaj hadzinie dnia ŭ vioscy Skorcy. Mužčyna 1960 hoda naradžeńnia paliŭ śmiećcie kala siadziby. U niejki momant jon nie zmoh kantralavać praces, i ahoń pa suchoj travie pierakinuŭsia na draŭlanuju chatu. U vyniku haspadar zastaŭsia biez prytułku: ahniom źniščany dach, paškodžanyja pierakryćcie, ścieny, majomaść.
Padobny vypadak, praŭda, ź mienš dramatyčnymi nastupstvami, zarehistravany 26 sakavika ŭ vioscy Cichny Biarozaŭskaha rajona. Na terytoryi sadovaha tavarystva «Łotas» adbyŭsia pažar u čatyroch draŭlanych haspadarčych pabudovach. Chlavy całkam źniščany ahniom. Jak miarkujecca, pryčyna pažaru — nieaściarožnaje abychodžańnie z ahniom pry vypalvańni suchoj raślinnaści.
Pažarnyja nahadvajuć ab zabaronie vypalvańnia suchoj travy i administracyjnaj adkaznaści, praduhledžanaj za padobnyja dziejańni, u vyhladzie štrafu ad dziesiaci da saraka bazavych vieličyń.
