U internecie źjaviłasia fota byłoha kandydata ŭ prezidenty Rasii Paŭła Hrudzinina biez vusoŭ. Jano było apublikavanaje ŭ Instagram-akaŭncie, spasyłka na jaki raźmieščana na sajcie eks-kandydata, paviedamiła lenta.ru.
«Učora CVK abviaściŭ kančatkovyja vyniki vybaraŭ. Ja ź imi nie zhodny, ale daŭ słova, značyć, treba jaho trymać», - byŭ padpisany zdymak.
Paźniej pres-słužba KPRF abvierhła infarmacyju pra toje, što Hrudzinin zhaliŭ vusy. Adnak paśla davieranaja asoba na vybarach apublikavała videa, na jakim Hrudzinin holicca.
Hrudzinin i Dudź padčas intervju, jakoje vyjšła ŭ pačatku lutaha 2018 hoda, pabilisia ab zakład: kali kandydat ad KPRF nabiare na prezidenckich vybarach mienš za 15 pracentaŭ - jon zholić vusy, kali bolš - žurnalist paholić hałavu. Pavodle kančatkovych padlikaŭ CVK RF, Hrudzinin nabraŭ 11,77 % hałasoŭ, a pieramožcam z vynikam 76,69 % byŭ abvieščany Uładzimir Pucin.