Dziŭnaja situacyja apošnim časam nazirajecca z asobnymi jutub-videa biełaruskich błohieraŭ i ŚMI — na materyjały, jakija raskazvajuć pra siońniašnija rasijskija realii, pravodziacca maštabnyja bot-ataki.
Łohika ŭ tym, kab «zadyzłajkać» videa. Tady ałharytm Jutuba nie pakazvaje jaho ŭ śpisie prapanavanych abo trendavych.
Pad ataku, naprykład, trapiła videa partała TUT.by pra ŭkidy na rasijkich vybarach.
Absalutna niepraparcyjnyja prahladam dyzłajki supravadžajucca i kamientaryjami, jakija padtrymlivajuć pucinskuju liniju — na ich užo łajkaŭ naadvarot, šmat, kab stvaryć iluziju hramadskaj dumki.
Taksama masava rasijskija troli atakujuć telekanał «Biełsat», čyje materyjały krytykujuć rasijskuju rečaisnaść. Tut šyrynia ataki ŭražvaje — nibyta z 56 tysiač prahledzieŭšych 55 tysiač prahałasavali admoŭna.