U piatnicu, 23 sakavika, sud Leninskaha rajona Minska pačaŭ razhladać novuju spravu ŭ dačynieńni da biznesoŭca i inviestara «Motavieła» Alaksandra Muraŭjova, jaki bolš za hod tamu ŭžo byŭ prysudžany da 11 hadoŭ i ŭ ciapierašni čas adbyvaje termin u kałonii.
Biznesmien abvinavačvajecca pa art 243 č 2. — uchileńnie ad vypłaty padatkaŭ pa čatyroch biełaruskich pradpryjemstvach i ich ździełkach z aŭstryjskaj kampanijaj ATEC Trading GmbH.
Uletku minułaha hoda Upraŭleńnie Śledčaha kamiteta pa Minsku zaviało novuju kryminalnuju spravu ŭ dačynieńni da Muraŭjova.
«Śledčym kamitetam u dačynieńni da Alaksandra Muraŭjova zaviedziena kryminalnaja sprava pa art. 243 (Uchileńnie ad vypłaty padatkaŭ) Kryminalnaha kodeksa Biełarusi. Pavodle najaŭnaj infarmacyi, Muraŭjoŭ spryjaŭ uchileńniu ad vypłaty padatkaŭ čatyrom subjektam haspadarańnia, jakija zajmalisia pastaŭkami na «Motavieła», - raspaviała aficyjny pradstaŭnik Śledčaha kamiteta Julija Hančarova.
Sumu naniesienaj biudžecie ŭronu śledstva aceńvała ŭ 350 tysiač rubloŭ.
«Vynikam pryniaty miery da pakryćcia dadzienaj škody. Jon častkova kampiensavany», — paviedamlali ŭ SK.
Nahadajem, u studzienia 2017 hoda biznesoŭca i inviestara «Motavieła» Alaksandra Muraŭjova sud pryhavaryŭ da 11 hadoŭ kałonii (prakuror prasiŭ 12) i kanfiskacyi majomaści — u tym liku akcyj «Motavieła». Jon byŭ pryznany vinavatym pa ŭsich punktach złačynstvaŭ, jakija jamu stavilisia ŭ vinu: machlarstva (č. 4 art. 209 KK RB), kradziež (č. 4 art. 210), uchileńnie ad vypłaty padatkaŭ (č. 2 art. 243), arhanizacyja i dapamahańnie ŭ ździajśnieńni złačynstvaŭ (art. 16).
U biznesmena kanfiskavali amal 75 miljonaŭ akcyj «Motavieła», jakija naležać kampanijam ATEC Investment i «RosintechHrupp». Pieršaj kiravaŭ sam Alaksandr Muraŭjoŭ, druhi — jaho brat Siarhiej (jakoha śledam za Alaksandram u lutym prysudzili da abmiežavańnia voli za niavypłatu padatkaŭ).
