Fondam sacyjalnaj abarony nasielnictva raspracavany prajekt ukaza, jaki praduhledžvaje źmianieńnie paradku vypłaty uznosaŭ u biudžet fondu indyvidualnymi pradprymalnikami i inšymi samazaniatymi asobami, paviedamlaje sajt fondu.
Asnoŭnymi pałažeńniami praduhledžana raspaŭsiudzić dziaržaŭnaje sacyjalnaje strachavańnie na fizičnych asob, jakija ažyćciaŭlajuć dziejnaść biez rehistracyi IP, u adpaviednaści z zakanadaŭčymi aktami i źmianić paradak vypłaty ŭznosaŭ dla indyvidualnych pradprymalnikaŭ, nataryusaŭ i advakataŭ.
Dla indyvidualnych pradprymalnikaŭ, nataryusaŭ i advakataŭ u prajekcie ŭkaza realizujecca pryncyp «nie pracuješ — nie płaciš». Dla takich hramadzian prapanujecca źmianić paradak vypłaty ŭznosaŭ, a mienavita praduhledzieć: mahčymaść vypłaty ŭznosaŭ na praciahu biahučaha hoda (h.zn. štodnia, štomiesiac, štokvartalna i h.d.), vyznačyŭšy termin kančatkovaha raźliku za minuły hod — nie paźniej za 1 sakavika nastupnaha hoda; vyzvaleńnie ad abaviazkovaj vypłaty ŭznosaŭ za pieryjady nieažyćciaŭleńnia imi dziejnaści na padstavie pradstaŭlenych źviestak indyvidualnaha ŭliku z nastupnaj ich źvierkaj ź infarmacyjaj padatkovych orhanaŭ.
U bližejšy čas płanujecca abmierkavańnie hetaha prajekta ŭkaza na pasiadžeńni hramadska-kansultatyŭnaj rady pa raźvićci pradprymalnictva.
