Napiaredadni 25 sakavika milicyja zatrymała palityčnaha aktyvista Maksima Viniarskaha, ale zatrymała jak? Padčas vyhułu sabaki.
U vypadku Viniarskaha sabaku paščaściła — jaho zabrali siabry.
Ale jaki ałharytm dziejańniaŭ milicyi (abo inšych siłavych słužb), kali jany zatrymlivajuć čałavieka z žyviołaj?
Jak patłumačyli nam supracoŭniki milicyi, zvyčajna prablema vyrašajecca prosta — zatrymany źviazvajecca z rodnymi i prosić zabrać žyviołu sabie, tyja zabirajuć.
Kali ž rodnych ci siabroŭ u zatrymanaha niama, ci jany zastajucca hłuchimi da takoj prośby, to žyviołu, na žal, addaduć u słužbu pa adłovie žyvioł. Tam sabaku ci inšaha hadavanaca mohuć usypić, pakul haspadar znachodzicca za kratami.
Sabaka Viniarskaha, fota z fejsbuka Jaŭhiena Afnahiela
