U Rasii praz 15 dzion pačnuć praceduru błakiroŭki Telegram, kali kiraŭnictva nie daść FSB dostupu da pierapisak 1
Viarchoŭny sud Rasii adchiliŭ pazoŭ kiraŭnictva mesendžara Telegram ab pryznańni niesapraŭdnym zahadu FSB pieradać klučy šyfravańnia. Ciapier kiraŭnictva musić abo dać rasijskim śpiecsłužbam dostup da pierapiski karystalnikaŭ, abo čakać błakavańnia mesendžara na terytoryi Rasii.
Na pryniaćcie rašeńnia Telegram adviedziena 15 dzion. Kali klučy dešyfravańnia nie buduć pieradadzienyja, Raskamnahlad źvierniecca ŭ sud dla dazvołu na błakiroŭku.
Nahadajem, u 2016 hodzie Fiederalnaja słužba biaśpieki Rasii abaviazała «arhanizataraŭ raspaŭsiudžvańnia infarmacyi ŭ internecie» pradstaŭlać joj dadzienyja, «nieabchodnyja dla dekadavańnia elektronnych paviedamleńniaŭ». Takija pałažeńni ŭtrymlivaje rasijski zakon «Ab infarmacyi», źviartaje ŭvahu VVS.
Kiraŭnictva Telegram nie stała pieradavać klučy šyfravańnia siłavikam.