Fermenty hryboŭ, što rastuć na drevach, možna budzie ŭžyvać u akumulatarach i batarejkach. Tady škodnyja i darahija metały źniknuć z paliŭnych elementaŭ.
Hetaje vynachodnictva zrabili chimiki Oksfardzkaha ŭniversytetu. Pavodle ich słovaŭ, chimikaty z hryboŭ adnojčy zmohuć zamianić darahija i škodnyja ciažkija mietały, što ŭžyvajucca ŭ akumulatarach i zvyčajnych batarejkach. Heta vykliča roskvit ekalahična čystaj enerhii.
Łakkazu — fermient, jaki vydzialajuć hryby, možna ŭžyvać jak bolš tanny i efiektyŭny katalizatar.
U paliŭnych elementach dla vytvorčaści elektryčnaści vykarystoŭvajucca chimičnyja reakcyi. Ale sučasnyja elektrody patrabujuć redkich metałaŭ, naprykład, platyny. Krystafer Błanfard, chimik z Oksfardu, pracuje nad zamiaščeńniem takich mietałaŭ na bijałahičnyja fermenty.
Łakkaza pakazvaje takuju ž katalityčnuju reakcyju, jak platyna ŭ akumulatary. Hryby, naprykład, čaha, vykarystoŭvajuć łakkazu dla baraćby ź lihninam, kampanientam raślinnych vuzaŭ (kletak). Ale Błanfard vynajšaŭ, što łakkazu možna skarystać dla reakcyi kisłarodu i vadarodu, što daje elektryčnaść. Pa jaho słovach, adnojčy partatyŭnyja paliŭnyja elementy z elektrodaŭ, pakrytych fermientam, zamieniać zvykłyja akumulatary.
JAS, pavodle The Guardian
