Pra heta paviedamiŭ BIEŁTA načalnik upraŭleńnia aŭtamabilnaha i haradskoha pasažyrskaha transpartu Ministerstva transpartu i kamunikacyj Siarhiej Dubina.
«Mižharodnija aŭtamabilnyja pieravozčyki, jakija raniej pracavali ŭ nierehularnych złučeńniach, adnaŭlajuć svaju dziejnaść, ale ŭžo ŭ jakaści rehularnych pieravozčykaŭ. Rynak ažyvaje, zaraz zaklučana 25 dahavoraŭ ź pieravozčykami, jakija raniej pracavali jak «nierehularščyki». Pavodle hetych dahavoraŭ 135 mašyn zmohuć pracavać na maršrutach: chtości ź ich užo ažyćciaŭlaje pieravozki, chtości pačnie ŭ najbližejšy čas», — adznačyŭ jon.
Siarhiej Dubina taksama raspavioŭ, što na hetym tydni byŭ zaklučany pieršy dahavor pamiž apierataram pasažyrskich pieravozak i dyśpietčarskaj słužbaj, zhodna ź jakim dyśpietčar aficyjna pryznany pieravozčykam.
«Heta pieršy vypadak, kali dyśpietčar stanovicca i pieravozčykam.
Kali raniej dyśpietčar tolki braniravaŭ miescy i pieradavaŭ hetuju infarmacyju «nierehularščykam», ź jakimi jon pracavaŭ, to zaraz dyśpietčar budzie zaklučać dahavor z apierataram na ažyćciaŭleńnie rehularnych pieravozak. Jamu buduć davać raskład, jon budzie nieści adkaznaść za zryŭ rejsaŭ. A ŭžo potym dyśpietčar budzie zaklučać dahavory sa svaimi partniorami — IP», — rastłumačyŭ načalnik upraŭleńnia. Jon udakładniŭ, što pieršy dahavor byŭ zaklučany z «Połackim ekspresam».
