Spadar Valery — heta Čaroŭny Nastaŭnik. Nia viedaju, kudy pastavić dziejasłoŭ «byŭ»...
U 2000 hodzie, tady jašče ŭ mienskim EHU, jon vykładaŭ našaj hrupie kulturołahaŭ nievialički kurs, štości kštałtu «Internet dla karystalnikaŭ‑pačatkoŭcaŭ». Ja nie ujaŭlała, chto taki Valery Łabko, i nie čakała ad novych dźviuch paraŭ aničoha aprača mahčymaści adšukać da kursavoj i dypłomu novych, nie dastupnych u Nacyjanałcy tekstaŭ....
Vosiem hadoŭ nazad bajnet vyhladaŭ zusim inakš, i adnym ź pieršych pryvałaŭ, kudy nas «ukinuŭ» spadar Valery, była «Biełaruskaja palička». Paśla Łatuškaŭ «Dzied Tałaš» i Halereja Marata Hielmana jak uzor stylu, forum na «KV» — prykład dyskusijnaj prastory, naturalna, halereja «Nova», «Photoscope». Adnačasna my źbirali biblijahrafiju, składali partfolijo svaich studenckich prac i abmiarkoŭvali praviły pavodzinaŭ na forumach . Prahladali «halereju zdymkaŭ Jana Bułhaka, usioj hrupaj šukali, zadadzienuju dla pračytańnia «na zaŭtra» Camera lucida Rałana Barta. Paśla taho, jak nas zapytali ab prafiesijnych zacikaŭleńniach, a praz tydzień kožny z hrupy znajšoŭ u svajoj elektroonnaj tečcy ŭparadkavany katałoh spasyłak na sajty, u radku pošuku yahoo ja ŭžo ŭvodziła imia — Valery Łabko.
Byvajcie. Śvietłaja pamiać...
