Heta budzie druhaja sproba razhledzić skarhu E.Zelcera ŭ Viarchoŭnym sudzie Biełarusi.
Pieršy raz razhlad planavaŭsia na 26‑ie vieraśnia, ale byŭ adkładzieny. «Pryčyna ŭ nieabchodnaści zapatrabavać peŭnyja dakumenty», ‑‑ patłumačyli tady ŭ presavaj słužbie sudu. Naziralniki nie vyklučali, što adterminoŭka była źviazana i z vybarami, jakija prachodzili 28‑ha vieraśnia.
Nahadajem, advakat z ZŠA Emanuił Zelcer razam z sakratarkaj Uładlenaj Funk byŭ zatrymany 2‑ha sakavika ŭ mienskim aeraporcie. Pavodle źviestak, jany prylacieli ŭ Miensk ŭ spravie spadčyny zaŭčasna pamierłaha ŭ Londanie hruzynskaha aliharcha Badry Patarkacyšvili. Viadoma, što na častku hetaj spadčyny pretenduje rasiejski ŭciakač, milijarder Barys Bierazoŭski. Svajaki E. Zelcera zajaŭlajuć, što heta jon spryčyniŭsia da aryštu i sudu nad advakatam i jaho sakratarkaj. Barys Bierazoŭski nazyvaje Emanuiła Zelcera «machlarom» i nie kamentuje źviestki pra toje, što jon nibyta trojčy za apošni čas prylataŭ u Miensk.
Uładlena Funk była asudžanaja na hod kalonii. Jaje skarhu taksama razhledzić Viarchoŭny sud.
