Sovietskaja Biełoruśsija źmiaściła siońnia artykuł, pryśviečany raskołu ŭ niezarehistravanaj arhanizacyi «Małady front».
Dziejańni siabroŭ niezarehistravanaj arhanizacyi aŭtar artykułu «Maładyja starečy» Jaŭhien Harmaš abhruntoŭvaje ich maładościu.
Maŭlaŭ, chto z nas u maładości nie pratestavaŭ. I pryvodzić u prykład byłoha kiraŭnika MZS Niamieččyny Jošku Fišera, jaki taksama niekali byŭ «revalucyjaneraŭ».
«Biełaruś siehodnia» adhuknułasia na apošnija padziei vakoł kiraŭnictva niezarehistravanaha «Maładoha frontu». Artykuł «Maładyja starečy» pačynajecca z pabłažlivaha tłumačeńnia pavodzinaŭ siabroŭ niezarehistravanaj arhanizacyi.
Pavodle aŭtara artykuła, usio tłumačycca ŭzrostam «maładafrontaŭcaŭ». Maŭlaŭ, maładyja jany jašče, a chto z nas u maładości nie pratestavaŭ.
Tut ža pravodzicca paralel z burlivymi 70 — 80–mi hadami XX stahodździa.
«Tyja, chto ŭ 17–hadovym uzroście kidaŭ cahliny, «abaraniajučy» Sarbonu, i patrabavaŭ na płoščach Zachodniaha Berlinu nieadkładnaha vykaranieńnia «buržuaznaha ładu», praź dziesiacihodździ pieratvarylisia ŭ dobraprystojnych buržua, uznačalili banki i salidnyja ministerstvy, što haroj stajać akurat na abaronie hetaha samaha «buržuaznaha ładu».
Da proźvišča Joški Fišera dy inšych znakamitych «revalucyjaneraŭ» 70 — 80–ch hadoŭ možna dadać jašče sorak sarakoŭ paśpiachovych proźviščaŭ (…)Napeŭna i aktyvisty «Maładoha frontu» pierašalejuć, pastalejuć, zrazumiejuć što-kolviek u žyćci i samyja buduć z dobraj uśmieškaj uzhadvać svaju «bajavuju maładość».
Ale niachaj čytača nie padmanvaje adnosna miralubivy ton pačatku artykuła. Dalej — usio, jak zvyčajna…
