Teatralnaje ŭvasableńnie narodnaha śviata hukańnia viasny rychtuje muzyka Raman Arłoŭ, viadomy pa pracy z hurtami «J:MORS», «U nieskładovaje», miuzikłu «Čaradziej».
Pieršuju sieryju pryhodaŭ litary Ŭ i jaje siabroŭ maleńkija hledačy i ich baćki mahli bačyć pierad Kaladami.
Ale zima sychodzić, paśla doŭhaha snu ažyvaje pryroda, abudžajecca da novaha žyćcia ziamla.
Čałaviek zaŭsiody imknuŭsia praz roznyja mahičnyja rytuały paskoryć prychod viasny. Z dalokich časoŭ u biełarusaŭ zastaŭsia zvyčaj — Hukańnie viasny. Hetaje śviata — adno z samych žyćcieśćviardžalnych i radasnych. Tamu i vyhladaje jano vielmi jaskrava: drevy upryhožany roznakalarovymi stužkami i ptuškami, dziaŭčyny vodziać karahody, śpiavajuć pieśni-viaśnianki.
I ŭ novaj kazcy dzieciam i ich baćkam raspaviaduć pra dzivosnaje padarožža Litary «Ŭ» i jaje siabroŭ u Čaroŭny Bor, dzie pryhažuniu-Viasnu trymaje ŭ pałonie złosny čaraŭnik Ziuzia…
Heta pryhoda — niby sensavy praciah zimovaj kazki «Jak litara Ŭ uratavała Kalady». Dzieci znoŭ sustrenucca z upadabanymi piersanažami, ale buduć novyja znajomstvy dy ŭražańni i siurpryzy.
I pa tradycyi: dzietkam — sałodki pačastunak, baćkam — muzyčny padarunak.
Kvitki kaštujuć ad 9 da 17 rubloŭ. Nabyć ich možna anłajn.
Pry nabyćci siamiejnaha kvitka na čatyry asoby - źnižka 10%.
Dzieciam da troch hod uvachod biaspłatny.
Daviedki pa t.: (44) 5517706, (29) 8517706.
