Pavažanamu ŭ svaim horadzie doktaru Ivanu Šehu (BNF) pratakoły dajuć bolš za 30% hałasoŭ. Dziva ŭ inšym: na adzinym učastku ŭ horadzie, dzie ŭ kamisiju zmoh patrapić pradstaŭnik Šehi, apazycyjaner atrymaŭ pieramohu. A voś na ŭsich astatnich — staršynia rajvykankamu Miečysłaŭ Kaściuk.
Analahičnyja dzivosy zafiksavanyja i na ŭschodzie Biełarusi, u Horackaj akruzie, dzie ŭ deputaty išła nia tolki ciapierašniaja «narodnaja abrańnica», ale i niezaležny kandydat Andrej Jurkoŭ. Andrej karystajecca pavahaj ludziej, jakija dobra viedajuć jašče jahonaha baćku — u svoj čas pavažanaha dyrektara drybinskaha saŭhasu. Baćka byŭ arhanizataram Narodnaha Frontu kaliści, ciapier jahonuju spravu praciahvaje syn.
Na ŭsich učastkach, dzie byli niezaležnyja siabry kamisij, kandydat ad ADS Jurkoŭ pieramoh. A dzie nie było — «narod nie akazaŭ jamu davieru», jak vyražajecca Lidzija Jarmošyna.
