Siońnia, 1 kastryčnika, babrujskamu hramadskamu aktyvistu Alaksandru Čyhiru daviadziecca adpravicca ŭ IČU (izalatar časovaha ŭtrymańnia), kab adbyć vyniesienaje sudom pakarańnie — 10 sutak aryštu.
Sudovaja sprava była zaviedziena na Čyhira paśla vypadka z taksistam, jaki 29 traŭnia vioz Alaksandra razam z dačkoj i žonkaj dachaty. Taksoŭščyk admoviŭsia dać ček (kasavaha aparata ŭ jaho nie było), i zavioz pasažyra ŭ pastarunak. Paśla hetaha Alaksandra Čyhira abvinavacili ŭ pahrozach u adras taksoŭščyka, paškodžańni mašyny i niepadparadkavańni supracoŭnikam milicyi. Niehledziačy na naniesienyja milicyjantami paboi, ich dziejańni byli pryznany sudom pravamiernymi, a Čyhira pakarali 10 sutkami aryšta i štrafami. Niehledziačy na toje, što sprava razhladałaś jašče letam, «sadziać» hramadskaha aktyvista tolki zaraz.
‑ Skončyliś vybary, i ŭłada ŭziałaś za staroje, — kaža Alaksandr Čyhir. — Zamiežnyja naziralniki, pravaabaroncy źjechali i znoŭ pačałosia «dabivańnie» hramadzianskaj supolnaści. Źniščeńnia ŭsiaho «žyvoha» i svabodnaha. Napieradzie mianie jašče čakaje vypłata štrafaŭ i hramadzianski sud… Majo mierkavańnie takoje, što heta taksama elemient taho ž samaha «dabivańnia» — metanakiravanaha i pradumanaha.
