28 studzienia ŭ Bostanie (ZŠA) u svaim domie na 91-m hodzie žyćcia pamior hałoŭny tearetyk «kalarovych revalucyj», ideołah niehvałtoŭnaj baraćby z aŭtarytarnymi režymami, Džyn Šarp, paviedamlaje Associated Press.
Džyn Šarp. Fota — Accociated Press
U maładości Šarp pravioŭ 9 miesiacaŭ u źniavoleńni za hramadzianskaje niepadparadkavańnie vajskovamu pryzyvu padčas Karejskaj vajny. U svajoj tearetyčnaj i palittechnałahičnaj dziejnaści Šarp vyvučyŭ vopyt pratestnych dziejańniaŭ i revalucyjnaj baraćby na praciahu XIX i XX stahodździa, vyłučyŭ ahulnyja mietady niehvałtoŭnych pratestnych dziejańniaŭ i adaptavaŭ ich pad sučasnyja realii.
Pik papularnaści jaho idej pryjšoŭsia na 90-je i pieršuju pałovu nulavych, kali knihi i rekamiendacyi Šarpa pasłužyli mietadyčnym kiraŭnictvam da dziejańnia pa niehvałtoŭnym revalucyjam u Sierbii, Ukrainie, Hruzii i h.d.
Taksama ŭ amierykanskaj presie vykazvałasia mierkavańnie, što Šarp moh być idejnym baćkam arabskaj viasny.