Ŭznaharody dla ŭdzielnikaŭ spabornictvaŭ, jakija zładziać dla spartsmienaŭ, što nie patrapili na Hulni-2018 u paŭdniovakarejskim Pchiončchanie, buduć pryroŭnienyja da pamieru uznaharod na Alimpijadzie, zajaviŭ pres-sakratar prezidenta Rasii Dźmitryj Piaskoŭ. Jahonyja słovy cytuje RIA «Naviny» ŭ sieradu, 31 studzienia, paviedamlaje Tut.by.
Dźmitryj Piaskoŭ. Fota: Reuters
«[Uładzimir Pucin — Red.] daručyŭ: pieršaje — pa vynikach hetych spabornictvaŭ zabiaśpiečyć premijavańnie (…) u pamiery jak na Alimpijskich hulniach. Heta značyć jaho pamier budzie pryroŭnieny da Alimpijskich hulniaŭ», — skazaŭ Piaskoŭ.
Raniej u sieradu prezident RF Uładzimir Pucin paprasiŭ prabačeńnia ŭ spartsmienaŭ za toje, što kraina nie zmahła abaranić ich intaresy ŭ chodzie dopinhavaha skandału, što raźviarnuŭsia napiaredadni Alimpijskich hulniaŭ — 2018. Takuju zajavu kiraŭnik dziaržavy zrabiŭ na sustrečy z rasijskimi spartsmienami — udzielnikami Alimpijady ŭ Pchienčchanie.
5 śniežnia Mižnarodny alimpijski kamitet (MAK) adchiliŭ zbornuju Rasii ad udziełu ŭ Alimpijadzie. Rasijskija atlety, nie źviazanyja z rasśledavańniem Suśvietnaha antydopinhavaha ahienctva, vystupiać biez himna i pad alimpijskim ściaham.
Niahledziačy na zajavu kamiteta, jaki abiacaŭ, što «čystyja» spartsmieny zmohuć pryniać udzieł u Hulniach, šerah viadučych rasijskich atletaŭ nie atrymali zaprašeńnia na spabornictvy. U ich lik uvajšli bijatłanist Anton Šypulin, łyžnik Siarhiej Uściuhaŭ i šort-trekist Viktar An, jakija nie padazravalisia ŭ parušeńni antydopinhavych praviłaŭ.
Hulni ŭ Pchienčchanie projduć z 9 pa 25 lutaha.
