1 kastryčnika biełaruskija kataliki bizantyjskaha abradu śviatkujuć Pakroŭ Najśviaciejšaj Baharodzicy. Hetaje śviata nie ŭvachodzić u lik dvunadziasiatych, ale jość adnym ź vialikich carkoŭnych śviataŭ.
Pakroŭ ŭšanoŭvajuć tolki chryścijanie ŭschodniaj tradycyi, i pieravažna va ŭschodniesłavianskich ziemlach. Kataliki łacinskaha abradu hetaha śviata ŭ svaim kalendary nia majuć.
Da ŭstanaŭleńnia śviata spryčyniłasia źjaŭleńnie ŭ 910 hodzie Dzievy Maryi śviatomu Andreju dziela Chrysta bažavolnamu va Ŭłachiernskim chramie Najśviaciejšaj Baharodzicy ŭ Kanstantynopali. Padčas malebna za ŭratavańnie stalicy Bizantyi ad pahancaŭ, jakija abłažyli horad, śviaty Andrej i jahony vučań Epifan ubačyli Baharodzicu, jakaja razharnuła nad viernikami biełuju chustku (amafor). Zastupnictva dapamahło – vorahi adstupili. Pakroŭ-amafor staŭsia symbalem apieki i zastupnictva Božaj Maci nad ludźmi.
* * *
Daviedacca pra miescy i čas hreka-katalickich (unijackich) bahasłužbaŭ možna praz teł.:
Ajciec Jaŭhien Usošyn (029) 312 28 26; [email protected]