Cupracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Biełarusi ŭ Nacyjanalnym aeraporcie Minsk zatrymali dvuch hramadzian Hruzii: 17 studzienia — Hiełu Kardava, a 18 studzienia — Suliko Šarykadze. U kryminalnym asiarodździ zatrymanyja majuć status zładziejaŭ u zakonie, paviedamlaje pres-słužba milicyi.
Dla pravierki 43-hadovy Hieła Kardava pradjaviŭ supracoŭnikam Dziaržpahrankamiteta rasijski pašpart na imia inšaha čałavieka. Padčas apytańnia mužčyna paćvierdziŭ svoj kryminalny status i rastłumačyŭ, što prybyŭ u Biełaruś z Rasii 16 studzienia, a zatym mieŭ namier vylecieć u Stambuł dla ŭdziełu ŭ złodziejskaj schodcy.
Hieła Kardava va ŭzroście 22 hadoŭ atrymaŭ status złodzieja ŭ zakonie. Jon zajmaŭsia razbojami i rabavańniami. Mužčyna byŭ u złačynnaj hrupie Asłana Usajana, viadomaha ŭ kryminalnych kołach jak Dzied Chasan, jakoha zabili ŭ 2013 hodzie. Čakałasia, što paśla jaho śmierci lidzirujučyja pazicyi zojmie Hieła razam sa svaim małodšym bratam Hiza, taksama złodziejem u zakonie.
Suliko Šarykadze 1973 hoda naradžeńnia byŭ zatrymany za toje, što znachodziŭsia na terytoryi Biełarusi biez rehistracyi i mihracyjnaj karty, čym parušyŭ mihracyjnaje zakanadaŭstva našaj krainy. U krainu na aŭtamabili jon pryjechaŭ z Rasii, dzie da 7 śniežnia minułaha hoda adbyvaŭ pakarańnie ŭ miescach pazbaŭleńnia voli za niezakonnaje zachoŭvańnie zbroi i narkotykaŭ.
