Fakt padzieńnia paćviardžaje i Hieałahičnaja słužba ZŠA. Viadoma, što abjekt zvaliŭsia za 8 kiłamietraŭ ad Ńju-Cheviena, što na ŭschod ad Detrojta.
Paśla padzieńnia adbyŭsia ziemlatrus mahnitudaj 2,0, vahańni ad jakoha adčuvalisia ŭ radyusie 250 km. Paciarpiełych u vyniku padzieńnia mietearyta, pa papiaredniaj viersii, niama.
Karystalniki sacyjalnych sietak vykładvajuć šmatlikija fota i videa jarkaje ŭspyški ŭ niebie. Jaje taksama zafiksavali kamiery videanazirańnia i aŭtamabilnyja videarehistratary. Na apublikavanych zapisach vidać, jak u niebie źjaŭlajecca śvietły abjekt i praź niekalki siekund vybuchaje.
Jarkaja ŭspyška, tresk i hrukat u niebie nad Detrojtam pierapałochali žycharoŭ amierykanskaha štata Mičyhan. Paviedamlajecca, što ŭ toj čas u vyratavalnuju słužbu «911» pastupiła nadzvyčaj šmat zvankoŭ ad napałochanych hramadzian.
