TASS
Śledčyja razhladajuć dźvie viersii zdareńnia ŭ škole ŭ rasijskim horadzie Pierm, padčas jakoha paciarpieli 15 čałaviek, paviedamlaje Interfaks. Pieršaja viersija - bojka pamiž dvuma 16-hadovymi padletkami, jakich sprabavali raźniać.
Druhaja - ich spłanavany napad na čaćviortakłaśnikaŭ. Pa słovach surazmoŭcy ahienctva, pakazańni vidavočcaŭ i paciarpiełych kažuć chutčej na karyść druhoj viersii.
Na dadzieny momant stan dziaciej nie vyklikaje zaściarohaŭ, skazaŭ hałoŭny doktar Piermskaj krajovaj dziciačaj kliničnaj balnicy Dźmitryj Antonaŭ. Jon paviedamiŭ, što dziesiać čałaviek znachodziacca ŭ jaho klinicy, stan siemiarych aceńvajecca jak siaredniaj stupieni ciažkaści, blizki da narmalnaha. Dvoje lažać u reanimacyi paśla apieracyj, bo atrymali ciažkija traŭmy, ale ich žyćciu taksama ničoha nie pahražaje.
Incydent u škole adbyŭsia ŭ paniadziełak paśla pačatku urokaŭ. Pa pieršapačatkovaj viersii śledstva, raźni ŭ škole papiaredničała bojka dvuch padletkaŭ na nažach. Vučni i piedahohi sprabavali raźniać ich. U vyniku paciarpieli 14 školnikaŭ i nastaŭnik.
