Saudaŭskaja Aravija praviała pieršy za amal 40 hadoŭ publičny kinapakaz. Fiestyval animacyjnych filmaŭ dla ŭsioj siamji prachodzić u horadzie Džyda na ŭźbiarežžy Čyrvonaha mora za niekalki miesiacaŭ da viartańnia vialikaha kino na ekrany karaleŭstva, paviedamlaje TASS.
Na praciahu tydnia dzieci i ich baćki zmohuć pahladzieć u pieraabstalavanych załach Centra kultur i mastactvaŭ Džydy amierykanskija multfilmy Captain Underpants: The First Epic Movie («Kapitan spodniki: Pieršy epičny film) i The Emoji Movie («Emodžy film»). Pakaz arhanizavaŭ pieršy saudaŭski kinaprakatčyk — Cinema 70.
Publičnaja demanstracyja filmaŭ u kinateatrach była zabaronienaja ŭ Saudaŭskaj Aravii jašče ŭ 80-ch hadach minułaha stahodździa pad ciskam śviataroŭ, jakija ličyli publičnyja schody i zabaŭlalnyja mierapryjemstvy «rassadnikam rasputstva». U suviazi z hetym šmat jakija paddanyja śpiecyjalna jeździli «u kino» ŭ susiednija Bachrejn i AAE.
Adnak u śniežni 2017 hoda saudaŭskija ŭłady anansavali adkryćcio pieršych za mnohija dziesiacihodździ publičnych kinateatraŭ ŭžo ŭ sakaviku 2018 hoda. Profilnaje viedamstva pačało vydavać licenzii i na praciahu 90 dzion u saudaŭskich haradach zapracujuć paŭnavartasnyja kinazały.
Ahułam, zhodna z prahramaj «Bačańnie-2030», zapłanavanaje adkryćcio 300 kinateatraŭ na 2 tys. załaŭ. Pastupleńni ŭ kaznu ad viartańnia kino čakajucca ŭ pamiery kala $24 młrd u hod.
