11 studzienia ŭ Minsku adbyłosia nacyjanalnaje prasłuchoŭvańnie muzykaŭ, jakija padali zajaŭku na ŭdzieł u konkursie pieśni «Jeŭrabačańnie-2018». Pa vynikach prasłuchoŭvańnia za pucioŭku na mižnarodny piesienny konkurs u Lisabon pazmahajucca 11 pretendentaŭ, paviedamlaje Biełteleradyjokampanija.
Finalistami stali:
1. ALEN HIT, «I don't sare»
2. Adagio, «Ty i ja»
3. Lexy, «Ain't you»
4. Sofja Łapina, «Gravity»
5. Napoli, «Chasing rushes»
6. Alekseev, «Forever»
7. Anastasija Małaškievič, «World on fire»
8. Hiunieš, «I won't cry»
9. Kirył Hud, «Deja Vu»
10. Radiovołna, «Subway lines»
11. Shuma, «Chmarki»
Užo ŭ aŭtorak finalisty daviedajucca, u jakim paradku jany buduć vychodzić na scenu — apoŭdni adbudziecca losavańnie. Samo ž finalnaje šou zapłanavanaje na 16 lutaha. U žyvym efiry hledačy i žury vybieruć pieramožcu prajekta, jaki pradstavić Biełaruś na «Jeŭrabačańni-2018». U siońniašnim prasłuchoŭvańni pryniali ŭdzieł amal sto vykanaŭcaŭ.
Biełaruskamoŭnych vykanaŭcaŭ siarod finalistaŭ dva: Adagio dy Shuma.
Shuma śpiavaje ŭ cikavym etna-styli. Ale dla adboru Shuma vybrała, badaj, nie najlepšuju, nie jeŭravizijnuju pieśniu.
A voś Adagio źviarnuła na siabie ŭvahu daskanałym vakałam i «śpietaściu»:
