Pierš za ŭsio varta adznačyć, što technałohija adroźnivajecca ad taho, jak mnohija jaje ŭjaŭlajuć. Skanier zdolny identyfikavać karystalnika pa adbitku jahonaha palca tolki pry ŭmovie dotyku da kankretnaj, a nie luboj častki dyspleja. Dla zručnaści karystalnikaŭ smartfon padśviatlaje funkcyjanalnuju vobłaść na ekranie.
«Skanavać palec, prykładajučy jaho da dyspleja, vielmi naturalna, — raspaviadaje Uład Savaŭ, ahladalnik The Verge. — Adzinaje, što adroźnivaje novuju technałohiju ad staroj, — nievialikaja zatrymka ŭ sčytvańni, jakaja adčuvajecca paśla pracy z fłahmanami kankurentaŭ».
Vytvorca nie raskryvaje ni dakładnuju datu źjaŭleńnia smartfona ŭ volnym prodažy, ni jahony košt, ni navat aparatnyja charakatarystyki.
Uličvajučy składanaść technałohii raźmiaščeńnia daktyłaskapičnaha skaniera pad dysplejem, śpiecyjalisty vydańnia miarkujuć, što navinka źjavicca ŭ prodažy bližej da viasny 2018 hoda pa košcie kala 600 dalaraŭ.
Dahetul adsutnaść technałohii ŭbudavańnia skaniera adbitkaŭ niepasredna ŭ ekran smartfonaŭ vymušała vytvorcaŭ ubudoŭvać jaho ŭ knopki, a adsutnaść prydatnych dla hetaha knopak pryvodziła da taho, što skaniery raźmiaščali na zadniaj paneli pryłady, što mnohija ličyli vielmi niazručnym.
