U pačatku studzienia ŭ instahramie źjaviłasia cełaja sietka padroblenych akaŭntaŭ biełaruskich mabilnych apierataraŭ. U apisańni kožnaha havorycca, byccam jany hatovyja papoŭnić bałans tym, chto vykanaje niekatoryja ŭmovy. Nie varta hetamu vieryć — mabilnyja apieratary takich «akcyj» nie pravodziać.
Nazvy akaŭntaŭ maskirujucca pad niki aficyjnych staronak kampanij u sacsietkach. Siarod umoŭ rozyhryšu — vykłaści skrynšot akaŭnta ŭ «Historyi» i dasłać numar telefona ŭ asabistyja paviedamleńni. U jakaści ŭznaharody karystalnikam abiacajuć papoŭnić rachunak na 1, 3, 5 abo 10 rubloŭ albo naličyć bonus u chvilinach abo miehabajtach.
Na momant publikacyi ŭ sacsietcy byŭ jak minimum adzin falšyvy akaŭnt velcom, bolš za dziesiać — u MTS i life:). U samaj bujnoj padroblenaj staronki nabrałasia amal čatyry tysiačy padpisčykaŭ.
Dačynieńnie da rozyhryšaŭ abvierhli ŭsie try mabilnyja apieratary — MTS, velcom i life:). Napeŭna nieviadoma, chto mienavita staić za hetymi «akcyjami». Mahčyma, ich stvaralniki źbirajuć bazy mabilnych numaroŭ biełarusaŭ ci raskručvajuć akaŭnty dla nastupnaha prodažu.
