Pieršy fakt napadu byŭ zarehistravany 30 červienia 2016 hoda. U lasnym masivie la vioski Sidaraŭka Krasnapolskaha rajona da 11-hadovaj školnicy padyšoŭ mužčyna. Pahražajučy dziaŭčyncy nažom, jon zhvałciŭ dzicia.
Druhi vypadak adbyŭsia praz hod, 17 vieraśnia 2017 hoda, na ŭskrainie Krasnapolla. Achviaraj nieviadomaha mužčyny znoŭ stała 11-hadovaja dziaŭčynka. Kali školnica išła z zaniatkaŭ dadomu, zzadu da jaje padyšoŭ mužčyna, zavioŭ jaje ŭhłyb lesapasadki i zhvałciŭ. Z saboj u jaho było pokryva, jakoje jon razasłaŭ na ziamlu.
Prykmiety: 30—35 hadoŭ, rost 175—180 sm, vałasy karotkija i śvietłyja, vočy šera-błakitnyja.
U pieršy raz mužčyna byŭ apranuty ŭ kamuflavany kaścium (koleru vysachłaj travy), kurtku na zamku, ciomnyja krasoŭki, kiepku ciomnaha koleru. Pry sabie mieŭ nož, rečavy miašok ciomnaha koleru, nievialikaha pamieru ciomnuju mužčynskuju sumku z nakładnymi kišeniami na zamkach na ramiani praź plačo.
U abodvuch vypadkach na rukach u mužčyny byli čornyja palčatki i biełaja paviazka na tvary (z aranžavaj i čyrvonaj pałasoj), abiedźvium paciarpiełym jon zaviazvaŭ vočy. Druhaja paciarpiełaja adznačyła, što napadnik byŭ mažnaha ciełaskładu i mieŭ jarka vyražany žyvot. Jaho havorka, adznačyła paciarpiełaja, była «haradskoj».
Kali chtości maje infarmacyju pa hetych vypadkach ci viedaje padobnaha mužčynu, źviartajciesia pa telefonach 8 02238 22-9-25, 8 029 338-58-14 abo 102. Ananimnaść i ŭznaharoda harantavanyja.
