Na čas praviadzieńnia Čempijanatu śvietu pa futbole ŭ Rasii avijakampanii hetaj krainy pavysili ceny kvitkoŭ u harady, dzie buduć prachodzić matčy, u siarednim na 230 adsotkaŭ, paviedamlaje RBK.
Najbolej padaražeŭ rejs Maskva-Vałhahrad — u 5,3 razy, što robić jaho roŭnym pa canie pieralotu z rasijskaj stalicy da Chabaraŭska. Praanalizavaŭšy raskład pa datach na prykładzie Vałhahradu, žurnalisty RBK vyjavili, što dni niepamierna zavyšanych cenaŭ dakładna supadajuć z dniami praviadzieńnia hrupavych matčaŭ ČS.
Jak vyhladaje kryvaja cen kvitkoŭ z Maskvy da Vałhahradu ŭ zaležnaści ad dat matčaŭ.
Situacyja paharšajecca tym, što adlehłaści pamiž haradami ŭ Rasii ŭ šmat jakich vypadkach uskładniajuć zaŭziataram transpartnuju łahistyku pierad nastupnymi matčami «svajoj» adboračnaj hrupy. Karystajučysia čyhunačnym transpartam, z Maskvy da Vałhahradu možna dabracca za 25 hadzin. U Jekacierynburh — za 26, a ŭ Sočy — ad 24 da 42.
U kolki razoŭ padaraželi kvitki ŭ harady z matčami ČS u dni matčaŭ
Rasijskija avijakampanii tłumačać vysokija ceny pavyšanym popytam i rynkavymi miechanizmami, adnak, jak zaŭvažaje RBK, košt pieralotu z Sočy ŭ Saransk i nazad u dni matčaŭ 22-24 červienia roŭny pa canie rejsu Maskva-Tokia ŭ dva baki.
