10 čałaviek byli publična pakaranyja za handal narkotykami, rabavańni i zabojstvy na stadyjonie ŭ Łufenie, Kitaj. Prysud złačyncam byŭ abvieščany naŭprost na vačach tysiač hledačoŭ.
Jak paviedamlaje vydańnie Mirror, pahladzieć na pakarańnie pryjšli tysiačy čałaviek — miascovych žycharoŭ zahadzia zaprasili tudy z dapamohaj sacyjalnych sietak. Złačyncaŭ pa adnym pryvodzili na miesca i začytvali prysud, a zatym karali śmierciu. Siamiora ź ich byli asudžanyja da najvyšejšaj miery za handal narkotykami, jašče troje — za rabavańni i zabojstvy. Paviedamlajecca, što hledačy pazityŭna pastavilisia da taho, što adbyvajecca, — na videa čutnyja kryki ŭchvały, jakimi supravadžajecca źjaŭleńnie złačyncaŭ i vartavych paradku.
Heta ŭžo treciaje publičnaje pakarańnie, praviedzienaje ŭ Kitai z červienia hetaha hoda. Pa słovach miascovych uładaŭ, ich meta — vychavać u ludziach niehatyŭnaje staŭleńnie da złačynnaści. Adznačym, što ŭ krainie ŭžyvajecca dva mietady śmiarotnaha pakarańnia: rasstreł i injekcyja. Śmiarotnyja injekcyi, jak praviła, vykarystoŭvajucca da ašukancaŭ i chabarnikaŭ, tady jak da rasstrełu čaściej prysudžajuć narkahandlaroŭ i zabojcaŭ.
