Hałoŭnaja jaho asablivaść — chutkaja zaradka jaho samoha i pryładaŭ, jakija da jaho padłučanyja. Naprykład, iPhone X zaradžajecca da 50% za 30 chvilin, a Galaxy S8 — da 100% za 1,5 hadziny zamiest troch.
Jomistaść Apollo paraŭnalna nievialikaja, usiaho 6000 miliampieraŭ na hadzinu, ale zaradzicca całkam jon moža ŭsiaho za 20 chvilin zaradkaj mahutnaściu 60 Vt.
Pryłada abstalavanaja tryma partami: USB-A z padtrymkaj Quick Charge 3.0, USB Type-C z vychadny mahutnaściu da 40 Vt i standartnym USB-A. Sačyć za ŭzroŭniem zarada možna na ŭbudavanym dyspłei. Startap sabraŭ užo bolš za $27 tysiačy z $10 tysiač, jakija nieabchodnyja startapu dla arhanizacyi sieryjnaj vytvorčaści. Prodažy Apollo pa košcie $59 namiečanyja na sakavik 2018 hoda.
Nahadajem, niadaŭna kampanija Samsung taksama zajaviła pra paśpiachovuju raspracoŭku hrafienavych akumulataraŭ.
Čytajcie: Samsung raspracavała hrafienavyja akumulatary, jakija zaradžajucca ŭ piać razoŭ chutčej. Što heta?
Hrafien — madyfikacyja vuhlarodu ŭ formie płastoŭ taŭščynioj u adzin atam, raźmieščanych u vyhladzie sota-padobnaj rašotki.
Hrafien možna ŭjavić jak adnu płoskaść hrafitu, adździelenuju ad abjomnaha kryštala. Hrafien vałodaje vialikaj miechaničnaj žorstkaściu, rekordna vialikaju ciepłapravodnaściu i razhladajecca jak samy pierśpiektyŭny materyjał dla vykarystańnia ŭ nanaelektronicy budučyni.
Madel kryštaličnaje rašotki hrafienu
