Mužčyna, jaki sprabavaŭ skraści 15-hadovuju školnicu ŭ Baranavičach, asudžany na 8 hadoŭ pazbaŭleńnia voli, paviedamili BIEŁTA ŭ prakuratury Bresckaj vobłaści.
Siońnia ŭ sudzie Baranavickaha rajona i horada Baranavičy abviaścili prysud u dačynieńni da 39-hadovaha miascovaha žychara. Sud pahadziŭsia z pazicyjaj dziaržabvinavačańnia, pryznaŭšy mužčynu vinavatym u ździajśnieńni złačynstva, praduhledžanaha p.1, p.7 art.182 KK (vykradańnie čałavieka z prymianieńniem hvałtu ŭ dačynieńni da niepaŭnaletniaj). Złamyśnik asudžany na 8 hadoŭ pazbaŭleńnia voli z kanfiskacyjaj majomaści, z adbyvańniem pakarańnia ŭ papraŭčaj kałonii va ŭmovach ŭzmocnienaha režymu.
Prysud nie ŭstupiŭ u zakonnuju siłu i moža być abskardžany.
Incydent u Baranavičach adbyŭsia dniom 2 žniŭnia na pustcy, kali 15-hadovaja školnica viartałasia dadomu z vadajoma. Nieznajomy mužčyna udaryŭ dziaŭčynu pa hałavie mietaličnym pradmietam i zapichaŭ u bahažny adsiek aŭtamabila. Paciarpiełaj cudam udałosia vyskačyć z mašyny pablizu aŭtazapravačnaj stancyi. Vidavočcy zdareńnia vyklikali miedycynskich rabotnikaŭ, z roznymi traŭmami dziaŭčynu špitalizavali ŭ balnicu. Złačynca pasprabavaŭ źbiehčy, adnak nieŭzabavie byŭ zatrymany supracoŭnikami pravaachoŭnych orhanaŭ. Raniej jon pryciahvaŭsia da kryminalnaj adkaznaści za chulihanstva.
