Google vypuściŭ biaspłatny dadatak na asnovie kampjutarnaha zroku dla pieratvareńnia videa ŭ komiks
Kampanija Google pradstaviła biaspłatny servis Storyboard, pryznačany dla pieratvareńnia videa ŭ staronku komiksu. Dadatak Storyboard dastupny vyklučna na Android i dazvalaje pieratvaryć luboje videa ŭ adnastaronkavy komiks.
Dadatak samastojna vybiraje asnoŭnyja kadry i publikuje ich u komiksie ŭ šaści vizualnych stylach na vybar. Padklučeńnie da interneta dla hetaha nie patrebna.
U kampanii paviedamlajuć, što dadatak pracuje na asnovie «kampjutarnaha zroku» i abiacajuć vypuścić jašče niekalki prahram na asnovie hetaj technałohii.