Alaksandr Łukašenka daručyŭ zachavać sacyjalnuju skiravanaść u pracy Biełarusbanka. Pra heta išła razmova siońnia ŭ čas dakłada staršyni praŭleńnia AAT «ASB Biełarusbank» Viktara Ananič, piša BiełTA.
«.. Daŭno, ščyra kažučy, my nie abmiarkoŭvali prablemy viadučaha banka našaj krainy. Pry hetym chaciełasia b, kab jon i zastavaŭsia viadučym bankam. Spadziajusia, vy siońnia skažacie, što dla hetaha treba zrabić, kab Biełarusbank byŭ sapraŭdy hałoŭnym bankam našaj dziaržavy», — skazaŭ Łukašenka.
Jon pacikaviŭsia situacyjaj u banku i śfiery ŭ cełym. «Moža być, vy mnie padkažacie praz pryzmu Biełarusbanka, jakaja situacyja naohuł u bankaŭskaj sistemie siońnia na ŭzroŭni kamiercyjnych bankaŭ», — skazaŭ Alaksandr Łukašenka.
Viktar Ananič paviedamiŭ ab rabocie banka sioleta, vialikaja ŭvaha nadavałasia kredytavańniu małoha i siaredniaha biźniesu. Ustanova vykanała ŭsie narmatyvy biaśpieki funkcyjanavańnia, jakija praduhledžany Nacyjanalnym bankam. «U cełym atrymanaja stanoŭčaja acenka kiraŭnika dziaržavy pa vynikach pracy banka ŭ hetym hodzie», — raspavioŭ žurnalistam kiraŭnik banka.
