U Žytkavičach aŭtamabilny most praz Prypiać prasieŭ. Na im źjavilisia raskoliny. Pra heta Tut.by paviedamili zaniepakojenyja miascovyja žychary. Jany raspaviali, što siońnia ranicaj na moście tresnuła plita pierakryćcia i darožnaje pałatno pa ŭsioj šyryni prasieła prykładna na paŭmietra.
— Ujezd na most pierakryty. DAI nikoha nie puskaje, — pišuć kamientary ŭ sacsietkach karystalniki.
Most praz Prypiać, jaki złučaje Žytkavičy i Turaŭ, byŭ pabudavany ŭ 1985 hodzie. U minułym hodzie, niezadoŭha da «Dažynak», jaho rekanstrujavali.
U MNS paviedamili, što ruch praz most pa trasie R-88 praz Prypiać pierakryty. Śpiecyjalisty abśledujuć vyjaŭlenuju raskolinu dla pryniaćcia dalejšych rašeńniaŭ.
Heta adziny most, jaki źviazvaje Stolinščynu i Turaŭščynu z reštaj Biełarusi. Susiednija masty — až u Pinsku i Mazyry.
«Na miescy znachodziacca rabotniki MNS. Prachodzić pasiadžeńnie kamisii pa nadzvyčajnych situacyjach pry Žytkavickim rajvykankamie dla vypracoŭki dalejšych rašeńniaŭ. MNS sumiesna z usimi apieratarami sotavaj suviazi arhanizuje SMS-apaviaščeńnie pra zakryćcio mosta žycharoŭ Žytkavickaha, Łuninieckaha, Lelčyckaha, Stolinskaha i Salihorskaha rajonaŭ», - prainfarmavaŭ BiełTA pres-sakratar viedamstva Vital Navicki.
***
Na telehram-kanał «Našaj Nivy» možna padpisacca tut.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)