Novaja kryminalnuju sprava zaviedzienaja na fihuranta tolki što zakrytaj «Spravy patryjotaŭ», dyzajniera Andreja Bialaŭskaha.
Jon padazrajecca ŭ niezakonnym zachoŭvańni bojeprypasaŭ pa druhoj častcy 295-ha artykuła Kryminalnaha kodeksa.
Jak vyśvietliła «Naša Niva», havorka idzie pra adzin patron dla aŭtamata Kałašnikava, jaki znajšli ŭ Bialaŭskaha padčas pieratrusu ŭ sakaviku.
«Heta patron 7ch62, jon daŭno lažaŭ u mianie jak suvienir. Ale ja dumaju, što vialikich sankcyj tut nie budzie, bo tam nie arsienał ža ŭ mianie znajšli, a adzin patron. Tak, sprava surjoznaja, adkaznaść kryminalnaja i za adzin, ale ja spadziajusia, usio budzie dobra», — skazaŭ nam Bialaŭski.
Pa hetym artykule Andreju mohuć pahražać papraŭčyja raboty terminam da dvuch hadoŭ, abo aryšt da troch miesiacaŭ, abo pazbaŭleńnie voli da siami hadoŭ.
Taksama nahadajem, što niadaŭna ŭ Biełarusi byŭ apraŭdany hramadzianin Francyi, jaki sprabavaŭ pieravieści praz hranicu adzin patron, jaki jamu padaryŭ znajomy ŭ jakaści suvienira.
