Śledčym kamitetam praciahvajecca rasśledavańnie kryminalnaj spravy ab zachopie zakładnikaŭ u adździaleńni banka ŭ Mahilovie, zatrymanamu vystaŭlena abvinavačańnie, paviedamlaje sk.gov.by.
Na padstavie sabranych materyjałaŭ zatrymanamu śledstvam vystaŭlena abvinavačańnie pa č.3 art.207, p.p.6,7 č.2 st.291 Kryminalnaha kodeksa.
Nahadajem, što 20 listapada kala 14.40 28-hadovy mužčyna ŭ mascy z prarezami dla vačej uvajšoŭ u adździaleńnie AAT «ASB Biełarusbank», jakoje raźmieščana ŭ Mahilovie na vulicy Kalinoŭskaha i, pahražajučy rabotnikam i naviedvalnikam banka zabojstvam, demanstrujučy pradmiet, padobny na pistalet sistemy Makarava, zapatrabavaŭ pieradačy jamu hrošaj i kaštoŭnaściaŭ. Pry hetym jon zachapiŭ u zakładniki 8 naviedvalnikaŭ i 6 rabotnikaŭ banka.
Mužčyna byŭ zatrymany ŭ vyniku śpiecapieracyi, praviedzienaj supracoŭnikami milicyi. «U chodzie śledstva ŭstanoŭlena, što niesudzimy uradženiec Mahadana1989 hoda naradžeńnia sprabavaŭ zavałodać hrašovymi srodkami bankaŭskaj ustanovy ŭ asabliva bujnym pamiery, skraŭšy pry hetym Br9199, $118 i 2 tys. rasijskich rubloŭ, paśla čaho pasprabavaŭ źbiehčy ź miesca złačynstva», — prainfarmavali ŭ SK.
Pradmiet, padobny na pistalet sistemy Makarava, vykarystany pry napadzie na adździaleńnie banka, nakiravany na balistyčnuju ekśpiertyzu, praviadzieńnie jakoj daručana UHKSE pa Mahiloŭskaj vobłaści
