Hramadzianin Biełarusi sprabavaŭ vyvieźci ź ES u Rasiju 80-hadovy Rolls-Royce koštam bolš za 254 tys. złotych (60 tys. jeŭra). Jon nie mieŭ dazvołu na heta, piša hrodna.life.
47-hadovy biełarus vioz try nabytyja ŭ Hałandyi mašyny: Franklin Airman 12A (1928), Rolls-Royce (1937) i Jaguar (1951). Polskija pamiežniki vyśvietlili, što Rolls-Royce heta histaryčnaja kaštoŭnaść, tamu na jaho vyvaz ź ES pavinien być admysłovy dazvoł ad uładaŭ Hałandyi. Takija dazvoły tyčacca aŭto, starejšych za 75 hadoŭ i koštam bolš za 50 tys. jeŭra, raskazała pradstaŭnička pres-słužby Pamiežnaj słužby Polščy Katažyna Zdanovič.
Biełarus viedaŭ pra heta patrabavańnie, tamu padrabiŭ dakumienty na pieravoz aŭto i spadziavaŭsia, što zmoža tam pierajści miažu. Jaho zatrymali, jon pryznaŭsia ŭ parušeńni.
