Stvaralnik Belarus Security Blog Andrej Parotnikaŭ prakamientavaŭ u svaim fejsbuku zatrymańnie biełaruskim KDB karespandenta Ukrainskaha radyjo Paŭła Šarojki:
«Zaraz u mianie try pytańni:
1. Kaho vyšluć ukraincy ŭ adkaz na vysyłku Skvarcova;
2. Ci abmianiajuć Šarojku na našaha špijona va Ukrainie [hramadzianina Biełarusi, jaki, mahčyma, źbiraŭ infarmacyju ŭ intaresach Rasii — Red.], jakoha prychapiła SBU letam i, darečy, u Čarnihaŭskaj vobłaści (a heta jak raz toj vypadak, kali miesca charaktaryzuje čałavieka);
3. Pieradavać sakretnuju vajenna-palityčnuju infarmacyju za hrošy moh tolki pradstaŭnik adnoj ź dźviuch struktur — Rady biaśpieki abo centralnaha aparata Minabarony. Prosta ŭ inšych miescach nichto viedać nie viedaje, što takoje «sakretnaja vajenna-palityčnaja infarmacyja»
A naohuł, viadoma, usia situacyja — minus i Łukašenku, i Parašenku. Jakija nie zmahli zabiaśpiečyć vyrašeńnie pytańnia pa-cichamu, z abmienam ludźmi i adklikańniem dypłamataŭ. Jak, chutčej za ŭsio, i płanavałasia pieršapačatkova.
Heta značyć, našy ž zmahli b, ale voś ukrainski bok nie strymaŭsia. Dumaju, zaraz paniasiecca: niezdarma KDB tak apieratyŭna pačaŭ davać infu. Značyć, u Minsku prypiakaje.
Drenna heta viadoma ŭsio ((( I tak — sam pa sabie špijanaž — paŭsiadzionnaja dziejnaść luboj dziaržavy navat u dačynieńni da sajuźnikaŭ. Tak što špijonić adno za adnym — nie soramna. A voś traplacca i apynucca niazdolnymi vyrašyć pytańnie biez šumu i pyłu — heta prablema».
