Administracyjna-techničnaja inśpiekcyja horada Baranavičy pačała ŭžyvać novy mietad baraćby z tymi, chto niezakonna viadzie ziemlanyja raboty, raskopki, paviedamlaje «Biełaruski partyzan» sa spasyłkaj na partał «Naš kraj».
Bieśpiłotny latalny aparat viertalotnaha typu viertykalnaha ŭźlotu i pasadki «Šeršań» abśledavaŭ terytoryju pryvatnaj zabudovy ŭ rajonie vulicy Vilčkoŭskaha ŭ Baranavičach.
Na vyšyni 100—150 mietraŭ bieśpiłotnik kružyŭ nad pryvatnaj zabudovaj, abśledujučy ziemli, kab vyjavić, dzie niezakonna prachodziać ziemlanyja raboty. Vyjava pieradajecca na pult kiravańnia, zatym adźniatyja fota- i videamateryjały buduć razhledžany śpiecyjalistami administracyjna-techničnaj inśpiekcyi.
— My ličym heta dobrym mietadam vyjaŭleńnia raskopak, - tłumačyć Viačasłaŭ Kozieł, dyrektar administracyjna-techničnaj inśpiekcyi. — U Baranavičach užo byli trahičnyja vypadki, kali ŭ tranšejach (padčas niezakonnych raskopak) paciarpieli ludzi. Kab takija vypadki nie paŭtaralisia, ziemlanyja raboty pavinny pravodzicca z dazvołu administracyjna-techničnaj inśpiekcyi i z vydačaj nieabchodnych rekamiendacyj.
Vydača dazvołu na praviadzieńnie ziemlanych rabot abydziecca ŭ 23 rub. 30 kap. A štraf za praviadzieńnie raskopak biez dazvołu składaje da 10 bazavych vieličyń. Takim čynam, latalny aparat napeŭna akupicca.
