U Kanhresie ZŠA ŭzhadnili prajekt abaronnaha biudžetu krainy na 2018 finansavy hod, jaki praduhledžvaje 350 miljonaŭ dalaraŭ dla Ukrainy, u tym liku ŭ vyhladzie śmiarotnaj zbroi. Dakumient apublikavany na sajcie kamiteta pa ŭzbrojenych siłach Sienata ZŠA.
Pry hetym pieršapačatkova dazvolena vydatkavać tolki pałovu sumy, druhaja častka moža być vydatkavanaja tolki ŭ tym vypadku, kali kiraŭnik Pientahona pierakanajecca ŭ paśpiachovaści vajskovych reformaŭ, jakija pravodziacca Kijevam.
Taksama ŭ zakonaprajekcie ŭchvalajecca vyłučeńnie $4,6 miljarda dalaraŭ na supraćdziejańnie Rasii ŭ Jeŭropie i $100 miljonaŭ na dapamohu Litvie, Łatvii i Estonii dla adbićcia rasijskaj ahresii.
Akramia taho, prajekt abaronnaha biudžetu praduhledžvaje vyłučeńnie $58 miljonaŭ dalaraŭ na miery ŭ adkaz na parušeńnie Rasijaj raniejšych damovaŭ ab likvidacyi rakiet małoj s siaredniaj dalečyni.
U cełym na abaronnyja patreby miarkujecca vyłučeńnie $700 miljardaŭ, što na $26,1 miljarda pieravyšaje aficyjny zapyt prezidenta.
Adznačym, dla kančatkovaha zaćviardžeńnia zakonaprajekt pavinien prajści ahulnaje hałasavańnie ŭ Pałacie pradstaŭnikoŭ i Sienacie, paśla čaho maje być padpisany prezidentam ZŠA.
