Biełarusy tradycyjna naviedvali mohiłki i viasnoju, na Radaŭnicu, i vosieńniu, na Dziady. U 1991—1996 hodzie 2 listapada, Zadušny dzień, Dziady byli vychodnym dniom.
Na fota Siarhieja Zinina: mohiłki ŭ staražytnaj vioscy Usielub, Navahrudski rajon, 2013 hod.
Na fota Siarhieja Zinina: Dziady, Ašmianski rajon, 2014 hod.
Mohiłki Rosy ŭ Vilni. Fota Kiryły Atamančyka. 2016 hod.
Radaŭnica — heta viesnavy dzień pamiaci prodaŭ, a Dziady — vosieński. Hetaj tradycyi pryśviečanyja kłasičnyja tvory Adama Mickieviča i Janki Kupały.
U staryja časy Dziady masava ŭšanoŭvali ŭ centry i na zachadzie Biełarusi, tady jak Radaŭnicu — na poŭdni i poŭnačy. Ludzi prynosiać śviečki na mahiły i čyściać pachavańni pierad zimoj.
Z kanca 1980-ch śviatkavańnie Dziadoŭ spałučyłasia z dniami pamiaci achviar savieckich rasstrełaŭ u Kurapatach i inšych miescach masavaha źniščeńnia nasielnictva nacystami i savietami.
