U Minsku pad kiraŭnictvam polskaha vice-ministra raźvićcia Tadevuša Kaścińskaha i namieśnika ministra zamiežnych spraŭ Biełarusi Jaŭhiena Šastakova prajšło 5-je pasiadžeńnie Polska-biełaruskaj hrupy pa pytańniach handlu i inviestycyj, paviedamlaje Radyjo Polšča.
Polski bok źviarnuŭ uvahu na vialikija mahčymaści raźvićcia dvuchbakovaha handlovaha supracoŭnictva. Havorka idzie, u pryvatnaści, pra pavieličeńnie abjomaŭ ekspartu sielskahaspadarčych tavaraŭ, mašyn i abstalavańnia, a taksama pašyreńnie supracoŭnictva ŭ halinie turyzmu, transpartu i łahistyki.
Kaściński adznačyŭ, što pašyreńniu ŭzajemavyhadnaha supracoŭnictva pamiž Polščaj i Biełaruśsiu sadziejničaje spryjalnaje hieahrafičnaje stanovišča.
«Polšča ŭsprymajecca biełaruskim bokam jak «akno» u Jeŭrasajuz. U svaju čarhu dla Polščy supracoŭnictva ź Biełaruśsiu daje mahčymaść vychadu na rynki krain Centralnaj Azii», — adznačyŭ kiraŭnik polskaj delehacyi na pieramovach u Minsku.
