Niekalki hadoŭ tamu ŭsio heta stała realnaściu. Na siońniašni dzień isnujuć dva vidy śviatłoprazrystych soniečnych panelej: umoŭna prazrystyja i całkam prazrystyja. Umoŭna prazrystyja paneli pradstaŭlenyja ŭ vyhladzie plonki i pryznačanyja dla nalepvańnia na prazrystyja kanstrukcyi. Ichniaja śviatłoprapuskalnaja zdolnaść dasiahaje 70%, što faktyčna nie adbivajecca na ŭzroŭni aśvietlenaści pamiaškańnia. Stvarajucca takija plonki z hnutkaha kampazitnaha materyjału, padobnaha da płastyku, i nahadvajuć zvyčajnuju tanirovačnuju plonku dla aŭtamabila.
Umoŭnyja śviatłoprazrystyja fotaelemienty, naklejenyja na vokny
A ŭ 2013 hodzie navukoŭcam ź Mičyhanskaha ŭniviersiteta atrymałasia stvaryć maksimalna prazrystyja soniečnyja paneli, jakija ciažka adroźnić ad zvyčajnaha škła.
Całkam prazrysty elemient soniečnaje paneli
Raniej nie ŭdavałasia stvaryć nastolki prazrysty materyjał dla soniečnych batarej, bo dla atrymańnia elektryčnaści soniečnaja panel pavinna ŭłoŭlivać fatony, jakija buduć hienieravać enierhiju.
U novym ža materyjale vykarystoŭvajecca technałohija «soniečnaha kancentratara». Arhaničnyja soli, jakija ŭ im źmiaščajucca, pahłynajuć niabačnaje voku ultrafijaletavaje i infračyrvonaje vypramieńvańnie, jakoje, adlustroŭvajučysia ad unutranych płoskaściaŭ paneli, pranikaje da jaje tarcoŭ. Tam jaho sustrakajuć vuzkija pałoski z zvyčajnych soniečnych panelaŭ, jakija i pahłynajuć śviatło, vyłučajučy enierhiju.
Kvantavy vychad novych soniečnych batarej nie vielmi vialiki: jany pieraŭtvarajuć u elektryčnaść tolki kala 7% pahłynutaj enierhii. Rekordnaja ž na siońniašni dzień efiektyŭnaść zvyčajnych fotaelemientaŭ składaje 44%. Adnak amierykanskija navukoŭcy, padličyŭšy kolkaść šklanych chmaračosaŭ pa ŭsioj krainie, a taksama ŭličyŭšy inšyja mahčymyja miescy raźmiaščeńnia takich panelaŭ, pryjšli da vysnovy, što kala 40% usioj patrebnaj ZŠA elektraenierhii moža być zdabyta mienavita takim šlacham.
