U Armienii 23 kastryčnika rasijski vajskoviec zastreliŭ kalehu, zrabiŭšy mižvolny streł z aŭtamata. Paśla hetaha jon skončyŭ žyćcio samahubstvam, piša Interfaks.
Jak zajavili ŭ pres-słužbie Paŭdniovaj vajennaj akruhi, heta adbyłosia pry zdačy zbroi paśla zaniatkaŭ na palihonie Ałahiaz. Kantraktnik ździejśniŭ streł, «hruba parušyŭšy patrabavańni biaśpieki».
«Spałochaŭšysia zroblenaha i adkaznaści za hibiel kalehi, vajskoviec zastreliŭsia», — skazana ŭ pres-relizie.
Imiony zahinułych u pres-relizie nie nazyvajucca.
U Armienii ŭ horadzie Hiumry bazujecca 102-ja rasijskaja vajskovaja baza. U 2015 hodzie rasijski vajskoviec Valeryj Piermiakoŭ zabiŭ u Hiumry siamju ź siami čałaviek. Jon byŭ prysudžany da pažyćciovaha źniavoleńnia.
0
0
0
0
0
0
