Zond Juno nakiravaŭsia da Jupitera ŭ žniŭni 2011 hoda. U pačatku lipienia 2016 hoda Juno nabliziŭsia da płaniety-hihanta i vyjšaŭ na stabilnuju arbitu vakoł jaje. Pieršyja dva miesiacy paśla zbližeńnia zond zajmaŭsia źnižeńniem arbity i pravierkaj usich navukovych instrumientaŭ, i pieršyja navukovyja danyja byli atrymanyja tolki ŭ kancy žniŭnia 2017 hoda.
Padčas adnaho z apošnich zbližeńniaŭ ź Jupiteram, jakoje adbyłosia na pačatku vieraśnia, kamiery Juno atrymali adnosna niezvyčajny zdymak, na jakim dobra bačny cień Amaltei, adnaho z samych nievialikich naturalnych spadarožnikaŭ Jupitera, adkrytaha ŭ 1892 hodzie amierykanskim astranomam Edvardam Barnardam.
Hety spadarožnik vałodaje niezvyčajnaj vyciahnutaj formaj, što adlustroŭvajecca i ŭ formie jahonaha cieniu na pavierchni Jupitera. Navukoŭcy spadziajucca, što vyvučeńnie padobnych zdymkaŭ dapamoža im bolš dakładna vyznačyć pamiery Almatei.
Čytajcie taksama: VIDEA i FOTA pra biaźmiežnaść Suśvietu, jakija prymusiać vas zadumacca
