Pałkoŭnik Kanstancin Čarniecki vyzvaleny ad pasady načalnika 72-ha hvardziejskaha abjadnanaha vučebnaha centra padrychtoŭki praparščykaŭ i małodšych śpiecyjalistaŭ Uzbrojenych Sił. Adpaviedny ukaz №383 Alaksandr Łukašenka padpisaŭ 20 kastryčnika, paviedamili ŭ pres-słužbie biełaruskaha lidara.
Padčas rasśledavańnia kryminalnaj spravy pa fakcie śmierci radavoha Alaksandra Koržyča byli vyjaŭlenyja vypadki parušeńnia statutnych praviłaŭ uzajemaadnosin pamiž vajskoŭcami navučalnaha centra. Heta stała mahčymym u vyniku samaŭchileńnia i biezadkaznaha staŭleńnia šerahu słužbovych asob centra da vykanańnia svaich słužbovych abaviazkaŭ, a taksama adsutnaści kantrolu za padtrymańniem voinskaj dyscypliny i pravaparadku ŭ padparadkavanym złučeńni z boku jaho načalnika pałkoŭnika Kanstancina Čarnieckaha.
