Muziej historyi Mahilova atrymaŭ kaštoŭny padarunak: staršynia Fiederalnaj nacyjanalna-kulturnaj aŭtanomii biełarusaŭ Rasii Valeryj Kazakoŭ pieradaŭ ustanovie artefakty, jakija papiarednie datujucca 11 stahodździem. Pra heta paviedamlajecca na staroncy ŭstanovy ŭ fejsbuku.
Znojdzienyja artefakty. Fota: facebook.com/ratusha.mogilev
Artefakty byli znojdzienyja na pryvatnym učastku ŭ centry horada padčas haspadarčych rabot.
Pa słovach supracoŭnikaŭ muzieja, siarod artefaktaŭ vyłučajecca miedaljon. Na adnym baku namalavany hierb «Tryzubiec». Na druhim, mahčyma, znachodzicca partret kniazia Uładzimira, «chryściciela Rusi», muža połackaj kniazioŭny Rahniedy.
Supracoŭniki muzieja tolki pačali vyvučać znachodki, tamu abiacajuć raspavieści ŭsie padrabiaznaści paźniej.
Hierb «Tryzubiec»
Mahčyma, heta vyjava kniazia Uładzimira Śviatasłaviča